কেন্দ্ৰীয় বিদ্যালয়ৰ শিক্ষকৰ স্থায়ী চাকৰিৰ বাবে

প্ৰাথমিক বৰ্গ, মাধ্যমিক বৰ্গৰ শিক্ষক পদৰ বাবে আৱেদনকাৰীসকলে CTET (Central Teachers Eligibility Test)-ত ১৫০ নম্বৰৰ (১৫০ টা MCQ) ভিতৰত ৯০ নম্বৰ লৈ পাছ কৰিব লাগিব। এই পৰীক্ষাৰ সবিশেষ CBSE-ৰ ৱেবছাইটত উপলব্ধ। নিয়ম অনুসৰি বছৰেকত দুবাৰকৈ এই পৰীক্ষা অনুষ্ঠিত হয়। এই CTET  উত্তীৰ্ণ প্ৰাৰ্থীৰ চাৰ্টিফিকেটৰ ম্যাদ সাত বছৰলৈ থাকে।
প্ৰাথমিক শিক্ষকৰ পদৰ বাবে JBT বা ইয়াৰ সমকক্ষ ক'ৰ্ছ উত্তীৰ্ণ হ'ব লাগিব। বাকী পদৰ বাবে B. Ed লাগিব।
ছিলেবাছ KVS- ৱেবছাইটত উপলব্ধ।

উচ্ছতৰ মাধ্যমিক শাখাত আৱেদন কৰিবলৈ হ'লে এই CTET নালাগে।

তাৰ পাছত আছে নিয়োগৰ বাবে লিখিত পৰীক্ষা৷ তাতো ১৫০ নম্বৰ (১৫০টা MCQ) আহে।
তাৰ ভিতৰত নম্বৰ আৰু প্ৰশ্নৰ বিতৰণ এনে ধৰণৰ—
English—  15
Hindi— 15
Maths &Reasoning— 40
Current Affairs & GK— 40
Teaching Aptitude— 40

Cut off নম্বৰ প্ৰতি বছৰে বেলেগ বেলেগ হয়।
উত্তীৰ্ণ প্ৰাৰ্থীয়ে নিউ দিল্লীৰ KVS-ৰ  মুখ্য কাৰ্যালয়ত অনুষ্ঠিত কৰা মৌখিক সাক্ষাৎকাৰত অৱত্তীৰ্ণ হ'ব লাগে। তাত ইংৰাজী /হিন্দীত প্ৰশ্ন সোধে। প্ৰাৰ্থীগৰাকী স্মাৰ্ট হোৱাৰ উপৰি যিকোনো প্ৰশ্নৰ উত্তৰ দিবৰ বাবে সাজু হৈ যাব লাগে। মোক বহু প্ৰশ্নৰ মাজত জাতিংগাৰ পৰা মাজুলী, ৰবাৰ্ট ব্ৰুচৰ চাহৰ বাবে অন্বেষণ, ব্ৰহ্মপুত্ৰৰ চাৰিটা নাম, ছাত্ৰ-ছাত্ৰীৰ শ্ৰেণীত থাকোঁতে কেনেবাকৈ তেজ ওলালে তৎক্ষণাত মই কি কৰিম, যোগৰ উপকাৰিতা, lieutenant, psychology আদি কিবাকিবি বানান সুধিছিল।
যিকোনো lesson এটা ক্লাছত পঢ়োৱাৰ দৰে demo দিব লাগিছিল। ICT ক্লাছৰ জ্ঞান থকা প্ৰয়োজন।

কেন্দ্ৰীয় বিদ্যালয়সমূহত অস্থায়ী ভিত্তিত লৈ থকা শিক্ষকৰ  সাক্ষাৎকাৰসমূহ দি থাকিব লাগে। ধাৰণা এটা পোৱা যায়।
মোটামুটি একে ধৰণৰ মৌখিক প্ৰশ্নই সোধে। এইবোৰ সাক্ষাৎকাৰ প্ৰতিবছৰে ফ্ৰেব্ৰুৱাৰী /মাৰ্চ মাহত সকলো কেন্দ্ৰীয় বিদ্যালয়ে অনুষ্ঠিত কৰে।

দেশৰ সকলো ঠাইতে চাকৰি কৰিবলৈ সাজু বুলি ক'ব লাগিব।

নিয়োগৰ বাবে এই লিখিত  পৰীক্ষাৰ ৮৫% নম্বৰ আৰু মৌখিক পৰীক্ষাৰ ১৫% নম্বৰ মিলাই নিয়োগ পত্ৰ দিয়া হয়।
বাকী কম্প্যুটাৰ,  মিউজিক, কলা, যোগ, কৰ্ম অভিজ্ঞতা শিক্ষক, গ্ৰন্থাগাৰিক,  শাৰিৰীক শিক্ষা আদি পদৰ বাবে অৰ্হতা বিজ্ঞাপনৰ লগত দিয়া হয়। KVS-ৰ ৱেবছাইটত উপলব্ধ।
TGT / PGT পদৰ বাবে বিষয় অনুযায়ী পৰীক্ষা দিব লাগিব।

✍️Kusumanjali Sarma

SHARE THIS