পোন্ধৰ আগষ্টটো মাত্ৰ এটা দায় সৰা যুক্তি।অবশ্যে এই কথাটো বৰুৱাই নিজে ভবাহে---- তেওঁক এই কথাটো না চতুৰ্থ শ্ৰেণীৰ ঈশানে কৈছে, না মাকে।কোনেও বৰুৱাক কোৱা নাই আজিলৈকে---জন্ম দিন পতাৰ কথা।কিন্তু বৰুৱানীয়ে এই দিনটোত বৰ ধূনীয়াকৈ পায়স বনাই থাপনাত ধূপ- চাকি জ্বলাই--- বহু সময় সেৱা কৰি পাৰ কৰে।মাকৰ লগত কিছু সময় লৰাটোৱে প্ৰাৰ্থনা কৰে---" কিমতে ভকতি কৰিবো তোমাক----"
--- কিন্ত এইবাৰ বৰুৱাই ভাবিছিল, ঈশানৰ জন্মদিন পাতিব, ---- , তেওঁলোক-- সকলোৰে ভাল লগাকৈ পাতিব।চাকৰি নিয়মীয়া হোৱাৰ প্ৰতিশ্ৰুতি পোৱাৰ পিছত প্ৰথম এই কথাটোৱেই মনলে আহিছিল---- । কিন্তু প্ৰতিশ্ৰুতি পূৰণৰ দাবীত অনশণ কৰি বৰুৱা বৰ্তমান চিকিৎসালয়ত।
---ভাল পাইছেনে দেউতা।
--- বৰুৱাই জোৰকৈ চকু মেলি চালে।পুতেকে তেওৰ চুলিত আলফুলকৈ হাত ফুৰাই আছে— বৰুৱানী ভৰি পথানত বহি বৰুৱাৰ ভৰি পিটিকি আছে।
--- অনশণ থলিত হঠাত স্বাস্থ্যৰ অৱনতি ঘটাত বৰুৱাকে ধৰি কেবাজনো চিকিৎসালয়ত।তেওঁলোকক জোৰ কৰি চৰকাৰী চিকিৎসা দিয়া হৈছে।
--- পুতেক ঈশানলে চাই বৰুৱাই ভাবিলে---- “ এইবাৰো তোমাৰ জন্মদিন পাতিব নোৱাৰিলো। মোক বেয়া নেপাবা দেই বাবা”--- বৰুৱাই যেন তাক কব ।
0 Please Share a Your Opinion.: