জীৱন যাত্ৰা

        শ্ৰী নোমল উপাধ্যায়
         
লুইতৰ কোবাল বুকুত যাত্ৰা
                      নিতৌ পূৱা.....
         মাথোঁ এটাই লক্ষ্য!
বিদ্যালয়ৰ কণ কণ বীজবোৰক অংকুৰিত কৰা......
পোহৰাই তোলা তেওঁলোকক জ্ঞানৰ দীপ্তিৰে।
             কত যে বৰ্ণনাতীত ঘাত-প্ৰতিঘাত
                কেতিয়াবা বতাহ-বৰষুণ...
                 কেতিয়াবা সূৰ্যৰ ৰুদ্ৰমূৰ্তি উত্তাপ..
                  কেতিয়াবা আকৌ পছোৱাই    
                  উফৰোৱাৰ ভয় ভূটভূটিখন।।
তথাপিও নেওচি জীৱন-মৃত্যুৰ ভয়
 অবিৰত যাত্ৰা মোৰ আপোন নঘৰী
                                বিদ্যালয়খনলৈ।
               লক্ষ্য মাথোঁ এটাই—
                  পোহৰাই তোলা জ্ঞানৰ চাকিৰে
                     বীজৰ পৰা একোটিকৈ উন্নত
                          ফলবৃক্ষলৈ, জ্ঞানবৃক্ষলৈ।
  ধন্য মানো নিজকে
       পালোঁ কিবা এটা কৰিবলৈ ....
          কণ কণ ছাত্ৰ-ছাত্ৰীৰ নিমিত্তে
            মোৰ এই জীৱন যাত্ৰাত।
***************

 শ্ৰী নোমল উপাধ্যায়
           সহ: শিক্ষক ,নঘৰী চৰ প্ৰাথমিক
                                           বিদ্যালয়
             শিক্ষাখণ্ড: লাহৰিঘাট
              জিলা: মৰিগাঁও

SHARE THIS