(১)
ধনবৰ ৰতনৰ বৰপেৰা দুটা
দুয়োটাৰে তলৰ ফালে এটা এটা ফুটা
কৃপণ ৰতনে ক'লে দেখা পাই
ৰক্ষা নাই মোৰ, হে গোসাঁই
তোমাক পূজিও মোৰ বিপদ নাইটুটা ৷
(২)
সৰুকণে দেখিছে সপোন বৰশী বোৱা
লাগিছে মাছ এটি দাঙিব নোৱৰা
কোনোমতেহে টানি টানি
পাৰত থ'লেহি আনি
ৰাতিলৈ খাব ভোজ উদৰ পূৰোৱা ৷
(৩)
কনকে ভাবি আছে আকাশলৈ চাই
তৰাবোৰ কোনে বাৰু থৈছেহি সজাই
যদি এটা পৰে সৰি
ল'ব সি ঘপহকৈ বুটলি
চ'ৰাঘৰৰ বেৰতে থ'বগৈ ওলোমাই ৷
(৪)
বাঘ হেনো 'বনৰজা' ,ফুটনিও বৰ
তাৰ ভয়ত সিংহও বোলে কঁপে থৰথৰ
বাকীবোৰনো কোন কূটা
নাপায় একোতে পাত্তা
কোনেও নোৱাৰে তাক কৰিব লৰচৰ ৷
নিৰ্মালি হাজৰিকাউত্তৰ গড়াজান প্ৰাথমিক বিদ্যাল
সহ: শিক্ষয়িত্ৰী
শিক্ষাখণ্ড : লাওখোৱা
জিলা : নগাঁও
0 Please Share a Your Opinion.: