চৰকাৰী বিদ্যালয়

শুনাছোন শুনা, কনমানি হ’ত

শুনা এই ককাইৰ আদেশ,

অহাবাৰলৈ সকলো এৰিথৈ

চৰকাৰী স্কুলত কৰা প্ৰবেশ৷

বিনামুলীয়া সমাবেশ পাবা

আৰু বিনামুলীয়া ভোজন,

বিনামুলীয়া কিতাপো পাবা

টেট পাছ কৰা গুৰুজন৷

ছাত্ৰ বৃত্তি আৰু চাইকেল পাবা

দিব নালাগে পৰীক্ষাৰ মাচুল,

আহল বহল শ্ৰেণীকোঠা পাবা

আটক ধুনীয়া চৰকাৰী স্কুল৷

আহল বহলকৈ খেলপথাৰত

খেলিবা নানা-তৰহৰ খেল,

শনিবৰীয়া চ’ৰাত গীত-মাত চলে

নাচি বাগি গাই মইনাৰ মেল৷

চাৰিওফালে স্বচ্ছতা দেখিবা

পৃথকে পৃৃথকে আছে শৌচালয়,

খোৱা পানীৰ সু-ব্যৱস্থাও আছে

অতি চেনেহৰ এয়া বিদ্যালয়৷

প্ৰতিটো পুৱাতে প্ৰাৰ্থনা-ব্যায়াম

চাৰি মুল্যায়ণে পূৰ্ণ হয় দীক্ষা,

সহ-বিদ্যায়তনিক বহু দিশ সামৰি

সময়ে সময়ে হয় স্বাস্থ্য-পৰীক্ষা৷

বিনামুলীয়াকৈ অত বোৰ সুবিধা 

টকা-পইছাৰ নাই প্ৰয়োজন,

অনাগত দিনত চৰকাৰী স্কুলত

সকলো মিলি কৰা ভৰ্তিকৰণ৷

(বি:দ্ৰ:- #গুণোৎসৱে অসমৰ শিক্ষা ব্যৱস্থাটোক নতুন দিগন্তলৈ আগবঢ়াই নিব বুলি আশাবাদী হৈ কবিতাৰে মনৰ ভাৱ প্ৰকাশ কৰিলো৷ 

সকলোৱে share কৰক৷ বিশেষকৈ চৰকাৰী বিদ্যালয়ৰ লগত জড়িত থকা সকলে নিশ্চয় Share কৰক৷ কবিতাটি অসমৰ মাননীয় শিক্ষামন্ত্ৰী Himanta Biswa Sarma লৈ অতি শ্ৰদ্ধাৰে নিবেদিলো৷)

                                                                                                    ভাস্কৰ জ্যোতি দাস

SHARE THIS