(১)
মানৱ সম্পদ তুমি আমাৰে ভৰসা ,
নিজক চিনি পাবলৈ শিকা মাতৃভাষা।
শিশু তুমি অসমীয়া ,
নাম হব যুগমীয়া;
অ-আ-ক-খ আখৰত দেখোঁ সেই আশা।।
(২)
নুবুজি আওঁৰালে ভাটৌৰ মিঠা মাত ,
হাঁহিব সমনীয়াই নিকটাই দাঁত ।
আশাৰ পদুম কলি,
তুমি অসমৰ ছলি ;
মাতৃভাষাৰ সুধা পি শক্তি আনা গাত।।
(৩)
বিলাতৰ ভাষাৰে জগত চিনি পাই
সময়ৰ লগত তুমি যাবা আগুৱাই।
কৰোঁ মই অভিমান
ভাষা মোৰ স্বাভিমান ,
জনাবা জগতক বুকুত হাত থই ।।
প্ৰাণতোষ সূত্ৰধৰ(টোকা: ছলি শব্দটো অসমৰ নামনি অঞ্চলত ব্যৱহৃত শব্দ ৷ শিশু,লৰা-ছোৱালী বুজায়)
0 Please Share a Your Opinion.: